Beim Globus odda beim Adler werre neierdings Schbendierhose oogebodde! Onnerschd ischs näd zu erkläre, dass uff oimol beim Liederkronz-Vorstond un beim Kassier die Kass klingld.
Do hewwe sich tatsächlich ä paar Sängor ausgreschld, dass sie während der Pandemie koi Singstund wa un wieviel Geld sie do gschbart hewwe. Do hewwe sie gedenkt: Ha, do gewwe mir des gschbarde Geld äm Voroi.
Do hot oina vum erschde Tenoo un zwaai vum erschde Bass gonz schee noiglongd! Alles Schdammdischlor vum „Runde Eckdisch“! Moin liewa Scholli! Ohne die onnere mit klänere Schbende!
Un jez kummt dä Homma! Die Oeltechnik-Service GmbH hot äm Liederkronz en Mords-Kopieror vamacht! Des isch ein Super Gerät! Do konnsch fascht alles mit mache: Kobiere, sordiere, hefde, schneide, falde, loche un noch viel mäno.
Jez hewwe ä paar vum Voroi ebbes ausbrowiere wolle. Die hewwe gedenkt, des Ding konn aa klone. Die wollde ä paar gude Sänger vavielfache, awwa selles isch net gonge. Do sen blooss ä paar Schnibsl rauskumme, die hewwe ausgsäne, wie abgrissene Schdimmbändor.
Awwa aneweg isch des ä ganz dolles GerätDo kann mo dä Oeltechnik- Service GmbH bloss donkschee sare. Donkschee aa on die onnere Schbendor. Vielleicht hewwe noch ä paar onnere Geld iwwerisch un en gude Gedonge! Be.